Kuwa 30 Nyakanga 2026, Banki ya Kigali (BK) yatangije gahunda yiswe BK Wellness Festival 2026, igamije guteza imbere ubuzima bwiza bw’abakozi bayo n’Abanyarwanda muri rusange.
Iyi gahunda igamije gushyigikira ingamba za Leta zo guteza imbere ubuzima no gukumira indwara, by’umwihariko indwara zitandura zikomeje kwiyongera mu Rwanda no ku Isi.
Mu muhango wo kuyitangiza, Umuyobozi w’Ishami rishinzwe Gukumira Indwara mu Kigo cy’Igihugu cy’Ubuzima (RBC), Dr. Albert Tuyishime, yashimangiye ko kwirinda indwara zitandura bisaba kugira imibereho myiza irimo gukora siporo no kurya indyo yuzuye.
Yasobanuye ko kwisuzumisha ubuzima buri gihe bifasha umuntu kumenya uko ahagaze, ku buryo ikibazo cyose cyagaragara kigakurikiranwa hakiri kare, bikongera amahirwe yo gukira.
Dr. Tuyishime yavuze kandi ko isuzuma rusange ry’ubuzima ari ingenzi cyane ku bantu bakuze, agaragaza ko nibura umugore ufite imyaka 35 n’umugabo ufite imyaka 40 bakwiye kwisuzumisha byibuze rimwe mu mwaka.
Yagaragaje ko mu myaka itanu ishize, umubare w’Abanyarwanda bakoraga isuzuma rusange wari ukiri muto, kuko wari uri hagati ya 45% na 50%.
Ati: “Mu mwaka wa 2025, Abanyarwanda bakoze isuzuma rusange ry’ubuzima bageze kuri 73,9%.”
Imibare ya Minisiteri y’Ubuzima igaragaza ko mu Rwanda, hafi 60% by’impfu ziterwa n’indwara zose biterwa n’indwara zitandura. Ku rwego rw’Isi na ho, izo ndwara zihitana hafi 70% by’abicwa n’uburwayi, bikagaragaza akamaro ko kuzirinda no kuzisuzumisha hakiri kare.
Izindi nkuru:
Umunsi Mpuzamahanga wa Yoga wizihizwa tariki 21 Kamena buri mwaka.
Uko gutanga intanga ngabo mu buryo butemewe bishyira imiryango mu bibazo by’amategeko n’imyitwarire
Menya amabanga y’ubuzima atuma Abayapani baramba kurusha abandi ku Isi
Mu Bwongereza: Cancer y’uruhu ikomeje guteza impungenge.
Indwara 4 zandurira mu mibonano mpuzabitsina zihangayikishije
Menya ibyiza byo kurya igihaza ku buzima bwawe
Kanseri Ntikiri Indwara y’Abakuze Gusa: Uko Iri Kwibasira Urubyiruko
Kugona Bishobora Kuba Ikimenyetso cy’Indwara Ikomeye Ishobora Kuguhitana Utabizi
Sobanukirwa akamaro k’ubuki ku buzima n’ibyo ukwiye kwitondera
Vitiligo si uburozi cyangwa SIDA: Dore ukuri ku ndwara y’amabara ku ruhu n’uko ivurwa