Harry n’umuryango we bagiye gusubira mu Bwongereza nyuma y’imyaka itandatu

Igikomangoma Harry n’umugore we Meghan Markle biteganyijwe ko bazongera kumara igihe mu Bwongereza bari kumwe n’abana babo, Archie na Lilibet, nyuma y’imyaka hafi itandatu umuryango wabo umaze uba muri Leta Zunze Ubumwe za Amerika.

Uyu muryango uteganya gusubira mu Bwongereza mu gihe abana babo bitegura gutangira amashuri muri Nzeri. Icyakora, kuba bazaba bari mu Bwongereza ntibisobanuye ko Harry na Meghan bazongera gukora inshingano z’ubwami nk’uko byahoze.

Imyaka itandatu ishize bahagaritse inshingano z’ubwami

Harry na Meghan batangaje muri Mutarama 2020 ko bagiye kuva ku nshingano zabo nk’abanyamuryango bakuru b’Umuryango w’Ubwami bw’u Bwongereza.

Icyo gihe basobanuye ko bifuzaga kugira ubuzima bwigenga, harimo kwihaza mu bijyanye n’imari no kugabanya uruhare rwabo mu bikorwa by’ubwami.

Iki cyemezo cyaje nyuma y’igihe bari bamaze bavuga ku gitutu cy’itangazamakuru ndetse n’ibibazo bijyanye n’ubuzima bwabo bwo mu ruhame.

Muri Werurwe 2020, Harry na Meghan bahagaritse ku mugaragaro inshingano zabo z’ubwami, nyuma bimukira muri California muri Leta Zunze Ubumwe za Amerika.

Bazaba mu Bwongereza ariko nta nshingano z’ubwami

Nubwo bazaba basubiye mu Bwongereza, Harry na Meghan ntibateganyijwe gusubira mu nshingano z’ubwami cyangwa mu bikorwa bya Leta.

Umuryango uzaba ukomeje kuba mu bagize Umuryango w’Ubwami, ariko ubuzima bwabo bwo mu ruhame buzaba butandukanye n’ubw’abagize Umuryango w’Ubwami bafite inshingano zemewe.

Kugaruka kwabo mu Bwongereza kandi kuzaba ku nshuro idasanzwe, kuko bizaba bibaye nyuma y’imyaka myinshi umuryango wabo uba muri Amerika.

Abana babo bagiye gutangira amashuri

Muri uru rugendo rwo gusubira mu Bwongereza, Archie na Lilibet biteganyijwe ko bazatangira amashuri muri Nzeri.

Ibi bishobora gutuma umuryango umara igihe kinini mu Bwongereza, mu gihe Harry na Meghan bakomeje ubuzima bwabo hanze y’inshingano zemewe z’Umuryango w’Ubwami.