RwandAir yongeye gusubukura ingendo zo muri Qatar na UAE nyuma y’amezi atatu zihagaze

Sosiyete Nyarwanda ikora ubwikorezi bwo mu kirere, RwandAir, yatangaje ko guhera tariki ya 1 Kamena 2026 izongera gukora ingendo zayo zerekeza ndetse ziva mu Mujyi wa Doha muri Qatar no mu Mujyi wa Dubai muri United Arab Emirates, nyuma y’igihe zari zarahagaritswe kubera umutekano muke mu Burasirazuba bwo Hagati.

Izi ngendo zari zarahagaritswe kuva tariki ya 28 Gashyantare 2026, nyuma y’ubwiyongere bw’amakimbirane ya gisirikare mu karere, by’umwihariko intambara yari ihanganishije Iran na Israel, ndetse n’ibitero byari byagizwemo uruhare na United States, ibintu byatumye ingendo nyinshi zo mu kirere zihagarikwa cyangwa zigahindurirwa inzira.

RwandAir yavuze ko icyemezo cyo gusubukura izi ngendo cyafashwe nyuma y’isuzuma ryagaragaje ko umutekano w’ikirere muri ako karere urimo kugenda ugaruka ku murongo, ndetse ko abakiriya bazongera kubona serivisi zisanzwe hagati ya Kigali, Doha na Dubai.

Gusubukura izi ngendo biteganyijwe kongera korohereza abagenzi bakorera ingendo z’ubucuruzi, ubukerarugendo ndetse n’abakoresha Doha na Dubai nk’amasangano ajya mu bindi bice by’Isi.

Abagenzi bifuza gukora izi ngendo basabwe gukomeza gukurikirana gahunda z’indege n’amatangazo mashya atangwa na rwandair.com, kuko gahunda z’ingendo zishobora guhinduka bitewe n’imiterere y’umutekano mpuzamahanga.

Izindi nkuru:

Trump yatumiye Perezida Kagame na Tshisekedi mu nama i Washington Babiri batambutsa ibiganiro kuri YouTube bafunzwe Gen Mubarakh Muganga ari mu ruzinduko rw’akazi muri Algeria. Umunsi Ingabo za FPR-Inkotanyi zihoza Umujyi wa Gitarama Guverinoma y’abicanyi igahungira ku Gisenyi Perezida Kagame yagaragaje icyatuma umutekano wa Afurika ugerwaho utavangiwe n’amahanga HE Paul KAGAME ati: ” Ntabwo dufite byinshi byatuma duteta” Ubuyobozi bwa Association Rayon Sports bwagize icyo buvuga ku mvururu zabaye ubwo Rayon Sport yakinaga na Bugesera FC Musanze: Umusaza yituye mu cyobo bacukuramo umucanga arapfa Polisi yabaguye gitumo bafite udupfunyika 93 tw’urumogi Hari ahazishyurwa miliyoni 17 Frw ku ijoro: Imaramatsiko kuri hoteli igiye gushyirwa muri Pariki y’Akagera