Mu Gikombe cy’Isi cya 2026 kizabera muri Leta Zunze Ubumwe za Amerika, Mexico na Canada, kizatangira tariki 11, Kamena kugeza 19 Nyakanga 2026, hari abakinnyi bavukana bose bazahagararira ibihugu byabo ari na ko bahurira muri iri rushanwa rikomeye nk’abavandimwe. Uretse kuba ari intwari z’amakipe yabo, bazaba banahagarariye imiryango yabo ku rwego rw’Isi. 

Muri abo harimo abavandimwe b’Abafaransa Lucas Hernández na Theo Hernández, bombi bari mu ikipe y’u Bufaransa. Aba bakinnyi bakina ku ruhande rw’inyuma bamaze imyaka berekana ubuhanga ku rwego rwo hejuru kandi bazongera guhagararira igihugu cyabo hamwe muri iri rushanwa. 

Hari kandi inkuru idasanzwe y’abavandimwe Désiré Doué na Guéla Doué. Nubwo bakomoka mu muryango umwe, Désiré azakinira u Bufaransa naho Guéla akinire Côte d’Ivoire. Ibi bishobora gutuma bahura bahanganye mu mikino mpuzamahanga. 

Abandi bitezweho kwitabira Igikombe cy’Isi ni Alexis Mac Allister na Kevin Mac Allister ba Argentina, ndetse n’abavandimwe Kylian Mbappé na Ethan Mbappé bari mu ikipe y’u Bufaransa. 

Igikombe cy’Isi cya 2026 kizaba atari irushanwa ry’amakipe gusa, ahubwo kizaba n’urubuga rwo kwerekana uko impano y’umupira ishobora gukura mu muryango umwe ikagera ku rwego rwo hejuru rw’Isi.