Isi iri gushyuha kurusha uko byari bisanzwe.
Mu myaka ishize, isi yakomeje guhura n’ibibazo bikomeye by’ihindagurika ry’ikirere. Ubushyuhe bukomeje kwiyongera, amapfa akaza kenshi, imyuzure ikangiza ibikorwa remezo ndetse n’inkubi z’umuyaga zikaba nyinshi kurusha mbere. Abashakashatsi bavuga ko ibi atari ibintu bisanzwe, ahubwo ko bifitanye isano n’ibikorwa by’ikiremwamuntu.
Icyo ubushakashatsi bwerekana.
Raporo zitandukanye zakozwe n’itsinda mpuzamahanga ry’abahanga mu bijyanye n’ikirere rya Intergovernmental Panel on Climate Change (IPCC) zigaragaza ko ubushyuhe bw’isi bwiyongereye cyane kuva ibikorwa by’inganda byatangira gukaza umurego.
Abahanga bavuga ko imyuka ihumanya ikirere, cyane cyane Carbon Dioxide (CO2), Methane n’indi iva mu nganda, ibinyabiziga, gutema amashyamba no gutwika ibikomoka kuri peteroli ari byo biri mu bitera ikibazo gikomeye.
Ibikorwa bya muntu biri mu byangiza ikirere cyane.
Inzobere zigaragaza ko ibikorwa by’ikiremwamuntu bifite uruhare runini cyane mu iyangirika ry’ikirere. Muri byo harimo:Gutema amashyamba bikabije ,Gukoresha ibikomoka kuri peteroli na mazutu ,Imyuka iva mu nganda ,Kwiyongera kw’imodoka zisohora imyuka yangiza ,Gucukura amabuye y’agaciro hadakurikijwe amabwiriza yo kurengera ibidukikije.
Abahanga bavuga ko amashyamba afasha isi gufata imyuka yangiza, bityo kuyangiza bikihutisha ubushyuhe bw’isi.
Ingaruka zikomeje kugaragara.
Ihindagurika ry’ikirere rimaze guteza: Imyuzure ihitana abantu n’imitungo ,Amapfa n’inzara ,Kugabanuka kw’umusaruro w’ubuhinzi ,Kwiyongera kw’indwara ziterwa n’ubushyuhe ,Kuzamuka kw’amazi y’inyanja.
Mu bihugu byinshi bya Afurika, abaturage batunzwe n’ubuhinzi bavuga ko ibihe by’ihinga bitakimeze nk’uko byahoze, kuko imvura itagwa igihe cyangwa ikagwa ari nyinshi igateza ibiza.
Inzobere zisaba isi gufata ingamba zihuse.
Abahanga mu bijyanye n’ikirere bavuga ko niba nta ngamba zikomeye zifashwe, ubushyuhe bw’isi bushobora gukomeza kuzamuka ku rwego rwateza ibibazo bikomeye ku buzima bw’abantu n’ibinyabuzima ; Bimwe mu bisabwa harimo:Kugabanya ikoreshwa rya peteroli n’amakara ,Guteza imbere ingufu zisubira nka solaire n’umuyaga ,Kongera gutera amashyamba ,Kugabanya imyuka ihumanya ikirere iva mu nganda ,Gukoresha uburyo bwo gutwara abantu butangiza ibidukikije
Ese ikirere gishobora kongera kuba cyiza?
Abahanga bavuga ko bishoboka, ariko bisaba ubufatanye bw’ibihugu byose ndetse n’abaturage muri rusange. Nubwo isi yamaze kugerwaho n’ingaruka z’ihindagurika ry’ikirere, gufata ingamba hakiri kare bishobora kugabanya ibiza no kurengera ubuzima bw’abazaza.
Bemeza ko kurengera ibidukikije uyu munsi ari yo nzira yonyine yo gusigira abazadukomokaho isi itekanye kandi ibereye ubuzima.
Izindi nkuru:
U Rwanda rwakajije ingamba zo kubungabunga urusobe rw’ibinyabuzima
Gakenke: Inyubako ya Leta imaze imyaka 23 idakoreshwa yashibutsemo ibiti
Ese umukwe n’umugeni bazajya batanga umusoro? RRA irabivugaho iki?
Filime 5 wareba mu gihe wizihiza pasika.
R.I.P!! KILIMOBENECYO Alphonse yitabye Imana.
Kigali: Umugore yamennye isombe ishyushye ku mugabo we
Urukingo rwa Malaria rwagabanyije impfu z’abana muri Afurika – Ubushakashatsi
Ikihishe Inyuma y’Ubwiyongere bw’Abiyahura
Imyuzure ikomeje guhitana benshi: Ese hari igisubizo kirambye?
Imipaka ya Rubavu na Goma yafunzwe by’agateganyo kubera ‘Ebola’