Imodoka itwara abanyeshuri igaragara mu muhanda, ibara ryayo ry’umuhondo rihita rikurura amaso. Si ibara ryatoranyijwe ku bw’ubwiza gusa; ryashyizweho cyane cyane mu rwego rwo kongera umutekano w’abanyeshuri.Amateka y’iri bara agaruka mu 1939, ubwo umwarimu w’Umunyamerika yakusanyaga inzobere mu burezi, ubwikorezi, inganda n’abakora amarangi muri Columbia University.
Inama yamaze iminsi irindwi, maze abitabiriye bemeza ibipimo 44 by’imodoka zitwara abanyeshuri, birimo n’ibara ry’umuhondo. Ryatoranyijwe kuko inyuguti z’umukara zigaragara neza kuri uwo muhondo, cyane cyane mu gitondo cya kare no ku mugoroba, igihe urumuri ruba ari rucye.
Umuhanga mu bijyanye n’ubuvuzi bw’amaso, Dr. Stephen Solomon, avuga ko amabara ari mu muhondo ari mu mabara agaragara cyane ku jisho ry’umuntu.
Ubushakashatsi bwagaragaje kandi ko ijisho ry’umuntu rifite ubushobozi bwo kubona umuhondo kuruta umutuku ho inshuro 1.24. Ibi bituma umuhondo uba ibara rifasha imodoka zitwara abanyeshuri kumenyekana vuba mu muhanda.
Nubwo ibipimo by’imodoka zitwara abanyeshuri byagiye bihinduka uko imyaka yagiye ishira, umuhondo wakomeje kuba ikimenyetso cy’umutekano no kumenyekanisha imodoka zitwaye abana.
Ni ukuvuga ko umuhondo wandikishijemo umukara atari umutako gusa ahubwo ari ubutumwa bugenewe buri wese ukoresha umuhanda. Ni nko kuvuga ngo:“Hano hari abanyeshuri itonde.”
Izindi nkuru:
Ururimi rw’Ikirusiya rugiye gutangira kwigishwa mu Rwanda ku nshuro ya mbere.
Aegis Trust yahuguye abarenga 6000 ku burezi bwimakaza amahoro mu Rwanda
Kaminuza zo muri Afurika zikomeje kuyoboka AI, iza Leta ziri imbere mu kuyikoresha
HEC igiye gushyira ku rutonde kaminuza zo mu Rwanda hashingiwe ku bushakashatsi zikora
Ibitabo byinshi birimo kuborera mu bubiko mu gihe amashuri amwe akibura ibyo kwigishirizamo
Leta n’abikorera barimo guhuza imbaraga mu guteza imbere ikoranabuhanga mu burezi
NESA yatangiye ubugenzuzi ku mashuri arenga 600 akorera mu buryo butemewe
Impungenge ku bana b’Abanyarwanda badasobanukirwa ibyo basoma nubwo bazi gusoma neza
Abanyeshuri icumi bagiye guhagararira u Rwanda muri Amerika mu irushanwa ry’ikoranabuhanga
NESA yatangaje igihe amanota y’ibizamini bya Leta azasohokera ku mashuri abanza n’icyiciro rusange 2025-2026.