Minisiteri y’Uburezi (MINEDUC), iratangaza ko mu rwego rwo gushyigikira ubumenyi bufite ireme, mu mashuri yisumbuye n’ayigisha imyuga n’ubumenyi ngiro, hagiye gutangizwa kwiga amasomo ajyanye no gukoresha ubwenge buhangano (AI).
Minisitiri w’Uburezi Joseph Nsengimana, yabitangarije mu kiganiro kigamije gusobanura uko uburezi bw’amashuri yisumbuye mu byiciro byombi buhagaze, n’icyakorwa ngo burusheho gutezwa imbere, aho yagaragaje ko ikoranabuhanga rikoresha ubwenge buhangano, rizatangira gushyirwa mu mashuri yisumbuye n’ay’Ubumenyi ngiro mu mwaka utaha w’amashuri wa 2025-2026.
Minisitiri w’Uburezi avuga ko ubwenge buhangano buzafasha abanyeshuri kunguka ubumenyi bujyanye n’igihe, kongerera abarimu ubushobozi no gutuma abarangiza amashuri yisumbuye baba bafite ubumenyi rusange, ku bijyanye n’ikoreshwa ry’ubwenge bukorano.
Minisitiri Nsengimana agaragaza ko kwigisha abakiri mu mashuri yisumbuye, ikoreshwa ry’ubwenge buhangano, bizategura abazakomereza muri Kaminuza kubucengera, kuko usanga amasomo abantu bafatira muri Kaminuza baba batayacukumbuye neza nk’abayahereye hasi.
Agira ati “Ni byiza ko abana bacu bajyana n’ubumenyi bugezweho, ikoranabuhanga rijyanye n’igihe rirakoresha ubwenge buhangano, natwe rero mu Rwanda dukwiye gutangirira hasi twigisha uko bukora n’uko bukoreshwa, kugira ngo tudasigara inyuma”.
Ku kijyanye n’abibaza ko ubwenge bukorano buzatesha akazi abasanzwe bakoresha ikoranabuhanga rigiye gusaza n’abatarikoreshaga, Minisitiri w’Uburezi abamara impungenge kuko ngo n’ubwo hari imirimo izatakara, ariko hazahangwa indi myinshi myishya.
Agira ati “Izo mpungenge zikwiye gushira kuko ubwo imashini zisiza n’izicukura zadukaga, abantu bagize impungenge z’uko bizagenda ngo akazi karabuze ariko si ko byagenze. Ubwo Mudasobwa zadukaga abantu baravuze bati turapfuye birarangiye zije gusimbura akazi kacu ariko si ko byagenze, ubwo hadukaga imodoka abikorera ku mutwe nabo baratatse, ariko ibyo byose byaje bije korohereza umuntu, gukora ibigendanye n’igihe no kongera akazi aho kugatakaza”.
Minisitiri w’Uburezi yanatangaje ko mu rwego rwo gukomeza kuzamura ireme ry’uburezi ku biga Siyansi, ubu hagiye kuvugururwa ibyiciro by’amasomo akomatanyije, kugira ngo hinjizweho ibikenewe byatuma Siyansi itera imbere koko, nabyo bizatangirana n’umwaka utaha w’amashuri.
Izindi nkuru:
Ubuyobozi bwa Association Rayon Sports bwagize icyo buvuga ku mvururu zabaye ubwo Rayon Sport yakinaga na Bugesera FC
U Rwanda n’u Bufaransa baganiriye ku kibazo cy’umutekano mu karere
Izajya ihabwa n’impinja- Ibyo wamenya ku ndangamuntu nshya
Ese umukwe n’umugeni bazajya batanga umusoro? RRA irabivugaho iki?
Ubushinjacyaha bwajuririye icyemezo gihagarika iperereza kuri Agathe Kanziga
Perezida Kagame yakiriwe na mugenzi we w’u Bufaransa
Gen Mubarakh Muganga ari mu ruzinduko rw’akazi muri Algeria.
Babiri batambutsa ibiganiro kuri YouTube bafunzwe
Umunsi Ingabo za FPR-Inkotanyi zihoza Umujyi wa Gitarama Guverinoma y’abicanyi igahungira ku Gisenyi
Perezida Kagame, Clare Akamanzi, na Amadou Gallo baganiriye ku iterambere rya BAL
Polisi yabaguye gitumo bafite udupfunyika 93 tw’urumogi
Musanze: Umusaza yituye mu cyobo bacukuramo umucanga arapfa
Hari ahazishyurwa miliyoni 17 Frw ku ijoro: Imaramatsiko kuri hoteli igiye gushyirwa muri Pariki y’Akagera
Perezida Kagame yagaragaje icyatuma umutekano wa Afurika ugerwaho utavangiwe n’amahanga
Abandi Banyarwanda 796 bari barafashwe bugwate na FDLR bageze mu Rwanda
HE Paul KAGAME ati: ” Ntabwo dufite byinshi byatuma duteta”
Abanyeshuri 16 birukanywe mu kigo burundu
Nyamasheke: Umukecuru warokotse Jenoside yishwe atemwe ijosi
Madamu Jeannette Kagame yasabye Inkubito z’Icyeza kwirinda ababagusha mu bishuko bagamije kubayobya
Uwiyitaga umuhanuzi yatawe muri yombi