Bruce Melodie na The Ben basabye abafana gushyigikira ubumwe mu muziki nyarwanda

Abahanzi bakomeye mu Rwanda, Bruce Melodie na The Ben, basabye abakunzi b’umuziki gushyigikira ubumwe n’imikoranire hagati y’abahanzi, mu gihe bitegura gutangira ibitaramo bizenguruka igihugu byiswe “Summer Country Tour”.

Ibi babigarutseho mu kiganiro n’abanyamakuru cyabereye muri Camp Kigali, aho bagaragaje ko igihe kigeze kugira ngo amarushanwa hagati y’abahanzi abe ayubaka uruganda rw’umuziki aho kuba ayarusenya.

The Ben yavuze ko uru rugendo rw’ibitaramo rugamije kugaragaza ko abahanzi bashobora gukorana no guhuriza hamwe imbaraga zabo mu guteza imbere umuziki nyarwanda.

Yashimangiye ko nubwo buri muhanzi aba yifuza kuba uwa mbere, intego nyamukuru ikwiye kuba ukuzamura urwego rw’umuziki w’u Rwanda ku rwego mpuzamahanga.

Bruce Melodie na we yasabye abafana kwirinda amagambo asesereza cyangwa ibikorwa bishobora guteza amakimbirane hagati y’abahanzi n’ababakurikira. Yavuze ko imyidagaduro ikwiye kuba urubuga rwo kwishima no guhuza abantu aho kubatandukanya.

Ibi bitaramo biteganyijwe gutangirira mu Karere ka Musanze ku wa 13 Kamena 2026, mbere yo gukomereza mu turere twa Nyagatare, Bugesera na Rubavu. Biteganyijwe kandi ko bizitabirwa n’abahanzi batandukanye barimo Kitoko na Bwiza.

Abategura ibi bitaramo bavuga ko bizatanga amahirwe ku bafana bo mu ntara zitandukanye yo kureba bamwe mu bahanzi bakunzwe mu Rwanda mu gitaramo kimwe, ndetse bikarushaho guteza imbere imyidagaduro n’ubukerarugendo bwo mu gihugu imbere.

Izindi nkuru:

M. Iréné yatangaje itariki y’ubukwe bwe na Nishimwe Liliane Umukino wa Bugesera FC na Rayon Sports uzakomereza ku munota wari ugezeho Chris Brown yahawe impamyabumenyi y’icyubahiro na Harvest Christian University Umunyamakuru Ndahiro Valens Papy yasohoye indirimbo nshya yise ‘Abanzi’ Inkindi Aisha yavuze ukuri ku mubano we na M. Iréné nyuma y’itangazwa ry’ubukwe bwe Lynda Priya yahishuye amayeri umugabo we yakoresheje kugira ngo amutsindire umutima The Ben yateguje indirimbo nshya ‘Inshallah’ mbere ya Summer Country Tour The Ben agiye guhurira ku rubyiniro na Green P Chris Eazy yashimiye Diez Dola Davido yamaze gutangazwa mu bazashimirwa muri Amerika.