Umugore w’imyaka 46 wari utuye mu Karere ka Karongi yitabye Imana nyuma yo kunywa umuti wa kiyoda, ubwo yari amaze kubyara.
Ibi byabereye mu Mudugudu wa Karusha, Akagari ka Nyarugenge, Umurenge wa Rubengera mu Karere ka Karongi, ku wa 27 Nzeri 2026.
Amakuru avuga ko ahagana saa kumi n’ebyiri, umuturanyi yumvise uruhinja ruririra mu nzu. Maze uwo muturanyi yatabara agakomanga urugi ariko ntabone umufungurira.
Akomeza avuga ko ubwo yageragezaga kumenya ibyabaye, yumvise impumuro y’umuti wa kiyoda mu nzu. Yareba imbere agasanga uwo mugore ari hasi, bikekwa ko yari amaze kunywa uwo muti.
Umuturanyi yahise ahamagara umujyanama w’ubuzima, afata uruhinja arujyana ku Bitaro Bikuru bya Kibuye kugira ngo rwitabweho n’abaganga.
Nyina w’uruhinja na we yahise ajyanwa ku Kigo Nderabuzima cya Gisunzu, mu Murenge wa Rugabano, ariko agezeyo abaganga basanga yamaze kwitaba Imana.
Abaturanyi bavuga ko yari amaze igihe mu buzima bugoye
Abaturanyi ba nyakwigendera bavuga ko uyu mugore yari yaravuye mu rugo rwe rwo mu Murenge wa Mukura, mu Karere ka Rutsiro, akajya kubana n’undi mugabo w’imyaka 48.
Uyu mugabo na we bivugwa ko yari yaravuye mu rugo rwe n’abana bari mu Karere ka Rutsiro.
Amakuru atangwa n’abaturanyi avuga ko hari hashize hafi amezi atanu uwo mugabo babanaga adasubira mu rugo, bigakekwa ko nyakwigendera yari amaze igihe abayeho mu buzima bugoye.
Polisi na RIB batwaye abantu babanaga n’uwitabye Imana
Umunyamabanga Nshingwabikorwa w’Akagari ka Nyarugenge, Jean Paul Nzayisenga, yabwiye IGIHE ko inzego z’umutekano zahise zitangira gukurikirana iby’uru rupfu.
Ati: “Hakekwa ko icyatumye yiyahura ari uko uwo mugabo yakoreshaga nabi umutungo, no kuba yari yaramutaye, bikekwa ko yiyahuye kugira ngo amuhimishe kumusigira umwana kuko na we yari yaramutaye mu nzu.”
Nyuma yo kumenya ibyabaye, inzego z’umutekano zirimo Polisi na RIB zarahageze, zitwara nyir’inzu babagamo ndetse n’umugabo uyu mugore yari asigaye abana na we, kugira ngo hakorwe iperereza ku byabaye.
Uruhinja ruracyitabwaho n’abaganga
Uruhinja rw’uyu mugore ruracyari kwitabwaho n’abaganga ku Bitaro Bikuru bya Kibuye.
Nyakwigendera n’umugabo we bari batunzwe no gucukura amabuye y’agaciro mu birombe byo mu Karere ka Rutsiro.
Iperereza rirakomeje kugira ngo hamenyekane neza icyateye urupfu rw’uyu mugore n’ibyabaye mbere y’uko yitabira kunywa uwo muti.
Izindi nkuru:
Kamonyi: Umugabo yasanzwe yapfiriye mu nzu, hatangijwe iperereza
Gatsibo: Umusore na nyina batawe muri yombi nyuma yo gukekwaho gutera amazirantoki kwa Mudugudu
Burera: Umusore yafashwe atwaye ibilo 100 by’urumogi agerageza gutanga ruswa
Umugabo wari ugiye gusengera ahatemewe mu mugezi wa Musogoro yabonetse yapfuye
Rutsiro: Umugabo akurikiranyweho gusambanya umukobwa we w’imyaka 16
Karongi: Umugabo yapfuye nyuma yo kugwirwa n’ikirombe, undi arakomereka
Kamonyi: Polisi yakanguriye abaturage gufata iya mbere mu gukumira ibyaha
Ngoma: Abarenga 60 bakekwaho ubujura n’ibindi byaha batawe muri yombi
Amajyepfo: Litiro zirenga ibihumbi 31 z’ibinyobwa bitujuje ubuziranenge zamenwe
Rwamagana: Umugabo Yafashwe Agiye Gutoroka Nyuma yo Gukekwaho Kwica Umugore we Amukubise Ikibando