Ikipe ya PSG yegukanye igikombe cya UEFA Champions League 2025/2026 nyuma yo gutsinda Arsenal kuri penaliti 4-3, mu mukino wa nyuma wabereye kuri Puskás Aréna i Budapest muri Hungary, ku wa 30 Gicurasi 2026. Uyu mukino warangiye amakipe yombi anganya 1-1 nyuma y’iminota 120 y’umukino.
Arsenal ni yo yabanje kubona igitego hakiri kare ku munota wa 6, igitego cyinjijwe na Kai Havertz ku mupira yari ahawe na Leandro Trossard, ibintu byahise biha icyizere abafana bayo bari bizeye igikombe cya mbere cya Champions League. Gusa PSG yakomeje gusatira cyane ndetse igira umupira ku kigero kiri hejuru.
Mu gice cya kabiri, PSG yishyuye ku munota wa 65 kuri penaliti yinjijwe na Ousmane Dembélé, nyuma y’ikosa ryakorewe mu rubuga rw’amahina. Nyuma yaho amakipe yombi yakomeje gushaka intsinzi ariko iminota isanzwe n’inyongera irangira nta yindi kipe ibashije kubona izamu.
Muri penaliti ni ho PSG yigaragaje kurusha Arsenal, aho Ebereich Ezé na Gabriel Magalhães yahushije penaliti, bituma PSG itsinda penaliti 4-3 yegukana Champions League ya kabiri yikurikiranya, mu gihe Arsenal yongeye kubura igikombe nyuma y’imyaka 20 igeze ku mukino wa nyuma.
Izindi nkuru:
Perezida Kagame yashimye Arsenal nyuma yo kwegukana Premier League
Arsenal k’umukino wa nyuma wa UEFA Champions League nyuma y’imyaka 20.
Udushya tuzaranga igikombe cy’isi cya 2026.
Bwa mbere muri Africa umusifuzi agiye gukoresha Camera ihambaye.
PSG yatsinze Bayern Munchen mu mukino w’amateka w’ibitego bishyushye muri ½ cya Champions League
Ibanga ryatumye Arsenal yongera kwegukana igikombe cya Premier League nyuma y’imyaka 22
Igipfunsi kivuza ubuhuha mu mikino ya UBC cyasize Abanyarwanda batsinze Abanya-Uganda
Kigali igiye kwakira CECAFA Wazee 2026 ihuza ibyamamare byahoze muri ruhago
DIVISION ya 4 ikomeje kwitwara neza mu Irushanwa rya Liberation Cup
José Mourinho agiye gusubira muri Real Madrid.