Abanyamakuru b’imikino Cedric Keza na Alan Ruberwa bamaze kuva kuri SK FM 93.9 fm berekeza muri Radio & TV10 87.6 fm. Aba banyamakuru bombi bakiriwe kuri uyu wa Gatanu, bavuga ko impamvu y’iyi mpinduka ari ugushaka indi ntambwe no gukorera mu rwego rubafasha kwaguka. Bombi bagiye gufatanya mu kiganiro 10 zone kuva 18:00-20:00 PM.
Cedric Keza wahise agirwa umuyobozi w’ibiganiro bya siporo kuri Radio & TV 10 yavuze ko “igihe yamaze kuri SK FM cyamwongereye ubunararibonye ndetse ko ashimira abayobozi n’abakunzi b’iyi radiyo bamubaye hafi mu kazi ke ka buri munsi. Yongeyeho ko kugaruka kuri Radio & TV10 ari amahirwe azamufasha gukomeza gukorera abakunzi ba siporo mu buryo bugezweho”.
Ku ruhande rwa Alan Ruberwa, yavuze ko “gukorera hamwe na Cedro Keza bizamworohera gukomeza gukora inkuru n’ibiganiro by’imikino bifite ireme. Yagaragaje ko bafite intego yo kuzamura urwego rw’itangazamakuru rya siporo mu Rwanda”.
Icyemezo cyo kwerekeza kuri Radio & TV10 cyakiriwe neza na benshi mu bakunzi ba siporo ndetse no ku mbuga nkoranyambaga. Aba bombi bari batangiranye na Radio nshya SK fm y’umunyamakuru akaba n’umushoramari Sam Karenzi muri Mutarama 2025. Bakaba bakoraga ikiganiro “Extra Time” kuva 17:00-20:30 PM.
Cedro Keza yagarutse kuri Radio & TV 10 nyuma y’umwaka urenga akorera SK fm.
Izindi nkuru:
Perezida Kagame yashimye Arsenal nyuma yo kwegukana Premier League
Bwa mbere muri Africa umusifuzi agiye gukoresha Camera ihambaye.
Kigali igiye kwakira CECAFA Wazee 2026 ihuza ibyamamare byahoze muri ruhago
José Mourinho agiye gusubira muri Real Madrid.
Arsenal k’umukino wa nyuma wa UEFA Champions League nyuma y’imyaka 20.
PSG yatsinze Bayern Munchen mu mukino w’amateka w’ibitego bishyushye muri ½ cya Champions League
PSG igeze k’umukino wa nyuma wa UEFA Champions League yikurikiranya.
BK pro league yatangaje uko igikombe cya Shampiyona y’ u Rwanda 2025/2026 kizatangwa.
REG VC yatwaye shampiyona ya Volleyball mu Rwanda mu bagabo.
FC Barcelona yatwaye igikombe habura imikino 5 itsinze Real Madrid.
Nice, great work sir.