Ishyirahamwe ry’Umupira w’Amaguru mu Rwanda (FERWAFA) ryatangaje amakipe ane azitabira irushanwa rya Super Cup 2026, rizahuza amakipe akomeye yitwaye neza mu mwaka w’imikino wa 2025/2026.
Nk’uko byatangajwe na FERWAFA, amakipe yemerewe kwitabira iri rushanwa ni APR FC, Rayon Sports, Police FC na Kiyovu Sports. Icyakora, APR FC yasabye kutaryitabira, bityo umwanya wayo uhabwa Mukura Victory Sports & Loisirs (Mukura VS&L), yabaye iya gatanu muri shampiyona ya BK Pro League ya 2025/2026.
Iri rushanwa rizatangira ku wa 27 Kanama 2026 kuri Kigali Pelé Stadium, aho amakipe azahurira mu mikino ya 1/2 cy’irangiza. Saa cyenda z’amanywa (15h00), Kiyovu Sports izacakirana na Mukura VS&L, mu gihe saa kumi n’ebyiri n’igice z’umugoroba (18h30), Rayon Sports izakina na Police FC.
Amakipe azatsinda iyo mikino yombi azahura ku mukino wa nyuma uteganyijwe ku wa 30 Kanama 2026 saa cyenda z’amanywa (15h00), nawo ukazabera kuri Kigali Pelé Stadium.
FERWAFA yatangaje ko amatike n’amabwiriza ajyanye n’iri rushanwa bizatangazwa mu minsi iri imbere. Abakunzi b’umupira w’amaguru bakomeje gutegereza iri rushanwa rizaba ribimburira umwaka mushya w’imikino, rikaba ari n’umwanya wo kureba urwego amakipe agezeho mbere yo gutangira shampiyona.
Super Cup isanzwe iba irushanwa rihuza amakipe yitwaye neza kurusha andi mu mwaka ushize w’imikino, kandi rikaba rifatwa nk’intangiriro y’umwaka mushya wa ruhago mu Rwanda.
Izindi nkuru:
Ibanga ryatumye Arsenal yongera kwegukana igikombe cya Premier League nyuma y’imyaka 22
BK pro league yatangaje uko igikombe cya Shampiyona y’ u Rwanda 2025/2026 kizatangwa.
PSG yamamaza ubukerarugendo bw’u Rwanda yatangije irerero i Los Angeles
Taleb wa APR FC yavuze ko batsinzwe ariko batazacika intege, ashimangira ko bagiye gukosora amakosa
Minisitiri Mukazayire yavuze icyihutirwa mu kubaka Amavubi akomeye
Igikombe cy’Isi cya 2026 kigiye gutangira mu minsi mike
Argentina yasezereye u Bwongereza igera ku mukino wa nyuma w’Igikombe cy’Isi
Amavubi akomereje imyiteguro muri Misiri nyuma y’ihagarikwa ry’imikino ya gicuti yari kubera muri Maroc
RSSB Tigers yabaye ikipe ya mbere yo mu Rwanda itwaye BAL.
Udushya tuzaranga igikombe cy’isi cya 2026.