Abantu 43 bo mu Ntara y’Iburasirazuba bafashwe n’inzego z’umutekano nyuma yo gukekwaho gukomeza kubika no gucuruza inzoga zari zarakuwe ku isoko kubera kutujuje ubuziranenge.
Nk’uko Polisi y’u Rwanda ibitangaza, aba bantu bafashwe mu gikorwa kimaze iminsi itatu kigamije gukura ku isoko ibinyobwa byagaragajwe nk’ibishobora guteza ibibazo ku buzima bw’ababinywa.
Umuvugizi wa Polisi mu Ntara y’Iburasirazuba, SSP Twizeyimana Hamdun, yavuze ko mu byo inzego z’umutekano zafashe harimo amakarito arenga 6.000 n’amalitiro 14.752 y’inzoga zitandukanye zirimo Ingwe, Lucky Gin na Kiwingu.
Yasobanuye ko bamwe mu bacuruzi batubahirije amabwiriza yo kuzitanga ahubwo bakazihisha mu ngo zabo, harimo n’abazibitse munsi y’ibitanda, bagamije gukomeza kuzicuruza mu ibanga.
Polisi yavuze ko abafashwe bashyikirijwe inzego zibishinzwe kugira ngo bakurikiranwe, mu gihe ibikorwa byo gushakisha ahakiri izo nzoga bigikomeje.
Abaturage barasabwa kwirinda kunywa ibi binyobwa ndetse no gutanga amakuru ku bantu bose bakomeje kubihisha cyangwa kubicuruza, kuko bishobora kubashyira mu kaga ndetse bikagira n’ingaruka ku mutekano rusange.
Ibi bibaye nyuma y’uko Minisiteri y’Ubuzima itangaje ko hari abantu benshi bagize ibibazo by’ubuzima nyuma yo kunywa ibinyobwa bitujuje ubuziranenge, aho bamwe bagize ubumuga burimo no kutabona, abandi bakahasiga ubuzima.
Inzoga zakuwe ku isoko kuri ubu zirimo gukusanyirizwa ahabugenewe mu turere dutandukanye, mu gihe hategerejwe gahunda yo kuzikuraho burundu.
Izindi nkuru:
Abaturage bishimiye ikurwa ku isoko ry’‘ibyuma’, basaba ko urugamba rwo kurwanya ibiyobyabwenge rwakomeza
Kamonyi: Polisi yakanguriye abaturage gufata iya mbere mu gukumira ibyaha
Amajyepfo: Litiro zirenga ibihumbi 31 z’ibinyobwa bitujuje ubuziranenge zamenwe
Abanyarwanda bacurujwe mu mahanga bamaze gutahuka
Ikibazo cy’ibinyobwa bitujuje ubuziranenge gikomeje guhangayikisha Leta y’u Rwanda
Muhanga: Polisi y’u Rwanda yasabye urubyiruko rw’abakorerabushake kugira uruhare mu gukumira ibyaha
Rutsiro: Umugabo akurikiranyweho gusambanya umukobwa we w’imyaka 16
Ngoma: Abakekwaho kwica umusaza bamushakaho amafaranga batawe muri yombi
Rwamagana: Umugabo Yafashwe Agiye Gutoroka Nyuma yo Gukekwaho Kwica Umugore we Amukubise Ikibando
Minisitiri w’ubuzima yasobanuye impamvu yihishe inyuma y’inkubiri yo gufunga inzoga zitujuje ubuziranenge.