Inzego z’umutekano n’ubuyobozi bwo mu Karere ka Nyanza zata muri yombi umugabo ukekwaho kubaga no gucuruza inyama z’imbwa mu baturage.
Uyu mugabo witwa Banguwiha uzwi ku izina rya Mugoyi, afite imyaka 44 y’amavuko. Yafatiwe mu Murenge wa Busasamana, Akagari ka Nyanza, mu Mudugudu wa Kavumu.
Amakuru yatangajwe n’abaturage avuga ko uyu mugabo yafashwe nyuma y’uko abaturage bafatanyije n’inzego za DASSO bamuketseho gucuruza inyama z’imbwa yari yabaze mu buryo bwihishe.
Abaturage bavuga ko imbwa yayitoye yapfuye
Bamwe mu baturage baganiriye n’itangazamakuru bavuga ko imbwa bivugwa ko yacuruzaga inyama zayo yari yapfiriye ahitwa Jandaville.
Umwe mu baturage yavuze ko uwo mugabo yayitoye ayishyira mu mufuka mbere yo kuyibaga.
Amakuru akomeza avuga ko yaba yarayibagiye mu ishyamba, nyuma agatangira kugurisha inyama zayo mu baturage. Hari n’abakeka ko yari asanzwe akora akazi ko kubaga amatungo.
Abaturage bavuga kandi ko inyama zafashwe zari igice cyo hejuru cy’umubiri w’imbwa, ariko nta mutwe wari uriho. Mu gihe uyu mugabo ngo yemeye ko igice cyo hasi yakiriye.
Uwo mugabo yavuze ko yari asanzwe arya inyama z’imbwa
Nyuma yo gufatwa n’inzego z’umutekano, uyu mugabo yabajijwe ku byaha akekwaho maze avuga ko asanzwe arya inyama z’imbwa kuva kera.
Yavuze ko atari ubwa mbere yariye izo nyama ndetse agaragaza ko atumva ikibazo kirimo kuko ngo “atarapfa” kandi yaraziriye.
Aya magambo yakomeje guteza impaka mu baturage benshi bo muri aka gace, cyane cyane bitewe n’umuco nyarwanda utemera kurya inyama z’imbwa.
Afungiye kuri Sitasiyo ya Polisi ya Busasamana
Inzego z’ubuyobozi zo muri kariya gace zatangaje ko uyu mugabo afungiye kuri Sitasiyo ya Polisi ya Busasamana mu gihe hagikorwa iperereza kuri iki kibazo.
Nubwo amategeko mpanabyaha y’u Rwanda adahana umuntu urya inyama z’imbwa, amategeko ahana umuntu ugaburira abaturage inyama z’inyamaswa zitemewe kuribwa cyangwa zishobora gushyira ubuzima bwabo mu kaga.
Iki kibazo cyateye impaka mu baturage benshi, aho bamwe bagaragaza impungenge z’ubuzima ndetse n’isuku y’ibiribwa bishobora kugurishwa mu buryo butemewe.
Cc: Umuseke rw
Izindi nkuru:
ESE KUBANA N’UMUNTU BIPIMIRWA MURI SEX Gusa😱? KUKI ABASORE N’INKUMI BATINYA KUBAKA URUGO 🧐?
RCS yahakanye indwara y’Iseru mu Igororero rya Nyarugenge
Leta ihangayikishijwe n’akazi, urubyiruko rwo ruhugiye mu buzima bwo kwinezeza mu mibonano mpuzabitsina
Polisi ya Uganda yahaye umupolisi inkweto zidasanzwe kubera ikirenge kinini cyamubuzaga gukora neza
Huye: Umwana umwe yapfuye abandi babiri barakomereka mu nkongi y’umuriro yatewe n’amashanyarazi
Abasore batihutira kujya mu rukundo bakiri bato baba bafite amahirwe yo kuzashaka neza
U Rwanda rurateganya kongera amashanyarazi akomoka kuri Gaz méthane yo mu Kivu akagera kuri Megawatt 100
Sky2 Yatawe muri Yombi Akurikiranyweho Gukubita no Guhoza ku Nkeke Umugore we
Ngoma: Abakekwaho kwica umusaza bamushakaho amafaranga batawe muri yombi
Rubavu yashyizeho ingamba zikomeye nyuma y’icyorezo cya ‘Ebola’ kiri muri Goma